ຈະມີການປັບຄ່າແຮງຂັ້ນຕ່ຳຂຶ້ນເປັນ 2,200,000-2,500,000 ກີບ ເພື່ອແກ້ໄຂແຮງງານໄຫລອອກນອກປະເທດ

ຈະມີການປັບຄ່າແຮງຂັ້ນຕ່ຳຂຶ້ນເປັນ 2,200,000-2,500,000 ກີບ ເພື່ອແກ້ໄຂແຮງງານໄຫລອອກນອກປະເທດ

ປະທານຄະນະກໍາມະການແຮງງານແຫ່ງຊາດ ແລະ ລັດຖະມົນຕີກະຊວງແຮງງານ ແລະ ສະຫວັດດີການສັງຄົມ ກ່າວໃນກອງປະຊຸມຄະນະກໍາມະການ ແຮງງານແຫ່ງຊາດວ່າ ຄ່າແຮງງານຂັ້ນຕ່ໍາ 1,600,000 ກີບ/ເດືອນ ທີ່ໄດ້ກໍານົດໄວ້ ແມ່ນບໍ່ສອດຄ່ອງກັບຄ່າຄອງຊີບໃນປັດຈຸບັນ, ເຮັດໃຫ້ຄົນງານລາວພົບກັບຄວາມຫຍຸ້ງຍາກ ແລະ ບໍ່ຢາກເຮັດວຽກພາຍໃນປະເທດ ຈໍາເປັນຕ້ອງໄດ້ຂຶ້ນຄ່າແຮງງານຂັ້ນຕ່ໍາອີກ 600,000 ຫາ 900,000 ກີບ/ເດືອນ ໃນໄວໆນີ້ ເພື່ອໃຫ້ສອດຄ່ອງ ກັບຄ່າຄ່ອງຊີບ ໃນປັດຈຸບັນ ອີກທັງ ຍັງເປັນການຫລຸດຜ່ອນ ບັນຫາຄົນງານລາວ ຫລັ່ງໄຫລອອກໄປເຮັດວຽກ ຢູ່ຕ່າງປະເທດ.

.

ເຖິງແມ່ນວ່າ ການຂຶ້ນຄ່າແຮງງານຂັ້ນຕ່ໍາ ໃນປະເທດລາວ ຈະສົ່ງຜົນກະທົບ ຕໍ່ຜູ້ປະກອບການ ແລະ ນາຍຈ້າງໂດຍກົງ ແຕ່ມາຮອດປັດຈຸບັນນີ້ ພວກເຂົາຈໍານວນໜຶ່ງເຫັນດີນໍາ ຍ້ອນຄ່າຈ້າງແຮງງານຂັ້ນຕ່ໍາ ໃນອັດຕາເດີມ ມີມູນຄ່າໜ້ອຍຫລາຍ ແລະ ບໍ່ສາມາດຊ່ວຍເຫລືອ ໃຫ້ຄົນງານລາວ ມີສະພາບຄວາມເປັນຢູ່ທີ່ດີໄດ້ເທື່ອ.

.

ອັດຕາເງິນເຟີ້ໃນປະເທດລາວທີ່ສູງຂຶ້ນເລື້ອຍໆ ສູງກວ່າ 30% ເຮັດໃຫ້ປະຊາຊົນລາວຕ້ອງດິ້ນຮົນເພື່ອໃຫ້ພໍກັບຄ່າຄອງຊີບທີ່ແພງຂຶ້ນ ຕ້ອງມາເບິ່ງວ່າຂໍສະເໜີດັ່ງກ່າວຈະຜ່ານຫຼືບໍ່ ຈະປະຕິບັດໄດ້ແທ້ຕອນໃດ.

.

ເວັບໄຊ The Global Economic ໄດ້ເຜີຍຕົວເລກດັດຊະນີທີ່ຄົນລາວອອກໄປເຮັດວຽກຕ່າງປະເທດ ເຊິ່ງຕັ້ງແຕ່ປີ 2007-2023​ ມີຄ່າສະເລ່ຍຢູ່ທີ່ 7.01 (0 ແມ່ນຕ່ຳສຸດ, 10 ແມ່ນສູງສຸດ) ແລະໃນຊ່ວງປີ 2016 ເປັນຕົ້ນມາແມ່ນມີຄ່າດັດຊະນີສູງທີ່ສຸດ ເຖິງ 7.7​ ດັດຊະນີ.

ໃນຂະນະດຽວກັນຄ່າສະເລ່ຍຂອງໂລກໃນປີ 2023 ຈາກ 177 ປະເທດຢູ່ທີ່ 5.1 ຖ້າທຽບກັນແລ້ວ ປະເທດລາວຖືວ່າສູງກວ່າຄ່າສະເລ່ຍ.

#WeAreManushyan ∞ Equal Human Beings ∞ ມະນຸດເທົ່າທຽມກັນ

#whatshappeninginlaos #ຖ້າການເມືອງລາວດີ